375 ml koekmeel
1 ml sout
5 ml bakpoeier
500 ml water (of die helfte hiervan sodawater)
1 ekstragroot eier
7 ml asyn
15 ml olie
Ekstra olie om in te braai
Kaneelsuiker vir bo-oor sprinkel
Suurlemoenwiggies om voor te sit

Gooi die droë bestanddele saam in ’n groot bak en maak ’n holte in die middel. Klits die water, eier, asyn en olie saam in ’n glasbeker of mengbak. Voeg dit geleidelik by die meelmengsel terwyl jydit met ’n houtlepel of klitser roer-klop. Laat die beslag vir minstens 30 minute rus. Smeer ’n pan van 15 cm met ’n bietjie olie, verhit tot goed warm en vee daarna die olie met handdoekpapier uit.

Gebruik ’n soplepel en giet net genoeg beslag in die pan om die boom van die pan net-net te bedek. Kantel die pan heen en weer sodat die beslag die hele boom eweredig bedek. Verhit tot die kante van die pannekoek effe begin oplig en keer dan om met ’n eierspaan. Bak aan die ander kant tot gaar en effe bruin. Keer uit op ’n bord. Sprinkel kaneelsuiker oor, rol op, plaasop’n bord en hou warm oor ’n pot kookwater. Herhaal met die res van die beslag. Lewer 15 pannekoeke.