- 1 pak (500 g) volgraanspaghetti

- Water, sout en olyfolie

Stroganoff

- 60 g botter

- 1 ui, fyngekap

- 4 knoffelhuisies, fyngedruk

- 6 grasuie, gesnipper

- 500 g sampioene, gesnipper

- 700 g beesfilet of steak, in dun repies gesny

- 10 ml dijonmosterd

- 5 ml gerookte paprika

- 80 ml witwyn

- 250 ml beesvleisaftreksel

- 15 ml worcestersous

- Sout en varsgemaalde swartpeper na smaak

- 125-250 ml suurroom

- Gekapte, vars pietersielie of gesnipperde grasuie, om af te rond

Kook die spaghetti in ’n groot kastrol vinnig kokende soutwater en ’n skeut olyfolie tot gaar, maar steeds ferm.

Stroganoff:

Terwyl die pasta kook, smelt die helfte van die botter in ’n groot pan en braai die uie, knoffel en grasuie stadig daarin tot geurig.

Voeg die sampioene by en braai tot gaar.

Skep uit en hou eenkant.

Verhit die res van die botter in dieselfde pan en braai die steakrepies daarin tot goudbruin.

Skep die sampioenmengsel terug in die pan en voeg die mosterd, paprika, witwyn, aftreksel en worcestersous by.

Laat die sous kookpunt bereik en geur na smaak met sout en peper.

Prut vir ’n paar minute en roer die suurroom by.

Dreineer die pasta en voeg by die romerige stroganoff.

Rond af met vars pietersielie of grasuie en sit dadelik voor.

Lewer 6 porsies