Hy het in Desember siek geword en was ongeveer vyf weke in die hospitaal. Kock wat op 24 Desember 50 jaar oud geword het, het in Centurion gewoon en laat sy vrou, Henriëtte, agter. Hulle het nie kinders nie.

Sy kollegas het hom as iemand met ’n passie vir die lewe, familie, vriende en sy besigheid beskryf. 

Namibiese boer nog ’n slagoffer

’n Bekende boer van Grootfontein in Namibië, mnr. Buks Wahl, is dood aan Covid-19. Hy was sterk betrokke by die beginsel van die uitroei van indringerbosse en die vervanging daarvan met weidings.

Gevolglik het hy ’n leidende rol in die totstandkoming van die Bosbenuttingsvereniging en Bosbenuttingsmaatskappy gespeel om die bemarking van produkte te bevorder wat met ontbossing gelewer is.

Wahl het ook waardevolle gewerk gedoen om plaasveiligheid te bevorder.