Dié aanleg, wat ten volle deur Suid-Afrikaanse beleggers ontwikkel is, het sedert die begin van die jaar saam met die Bokamoso- en Waterloo-sonkragaanlegte in die provinsie sy bydrae tot die land se kragnetwerk begin lewer, ’n jaar nadat die bouwerk begin het.

Plattelandse gemeenskappe vind ook baat by die aanleg se ontwikkelingsprogramme.

Mnr. Isaac Mmushi, uitvoerende hoof van die Zeerust-aanleg, sê die plattelandse onderwysstelsel word onder meer ondersteun en die maatskaplike ontwikkeling van die mense in die gebied is gerig op die jeug, gesondheid en voedselsekerheid. 

Die aanleg is die grootste sonkragprojek in Noordwes met 250 080 sonpanele wat na verwagting 180 GWh jaarliks sal kan lewer, en in die behoefte van sowat 84 000 Suid-Afrikaanse huishoudings kan voldoen.