Panne water staan oral in die lande. In een van sy ander landerye op die plaas Nuweland, tussen Bultfontein en Hoopstad, is 41 ha van die totale aanplanting van 90ha se mielies daarmee heen. 

Pienaar beraam dat hy tot soveel as 30% van sy totale mielie-oes kan verloor maar die omvang van die skade sal eers duidelik word wanneer hy stroop.

Hy is steeds baie dankbaar oor die reën. Daar het tot dusver die afgelope seisoen reeds 450mm reën uitgesak oor sy gesaaides en die distrik het nie sy gebruiklike midsomerdroogte beleef nie.