Hoewel die inperkingsmaatreëls intussen effens verslap is, is daar steeds baie mense wat in groot nood verkeer weens die impak van die pandemie op die ekonomie. Gevolglik het Agri Limpopo op Vrydag 19 Junie saam met Yara Africa Fertilizer, die Mike Loutfie Foundation, Agri SA, die RSA Groep, die Polokwane RSA-varsproduktemark en Freshlinq vars groente geskenk aan die Abraham Kriel-kinderhuis, die NG Kerk Roedtan, die NG Kerk Polokwane en die Rotariërs-klub.

“Ons kan dalk nie vandag almal help nie, maar almal van ons kan wel iemand help,” het me. Deidré Carter, uitvoerende hoof van Agri Limpopo, oor die skenkings gesê.

Sy het ’n beroep gedoen op ondernemings en organisasies in Limpopo om aan te hou om mense in nood te ondersteun. “Hulle behoefte sal steeds daar wees in die dae, weke, maande en jare wat voorlê.”

Werkers van die Polokwane-varsproduktemark het gehelp om die kospakkies op te maak.

payfoodforward
Werkers van die Polokwane-varsproduktemark het gehelp om die kospakkies op te maak. Foto: Verskaf
PayFoodForward logo
#PayFoodForward