Mnr. Wilhelm Steenkamp, lid van die Williston-boereunie, sê nóg skenkings was teen druktyd op pad, en hulle probeer om sover moontlik die distrik se sowat 190 boere by te staan tydens die rampspoedige droogte. Hy het sedert Mei verlede jaar nog net 20 mm reën gekry.

Die distrik se gemiddelde jaarlikse reënval is 120 mm tot 150 mm. Die voer is op 30 Augustus en 2 September uitgedeel. Sommige boere moes meer as 100 km ver ry om die skenkings op te laai.