Alfred Schaffer, bekroonde Nederlandse digter en akademikus, word gehuldig met ’n spesiale uitgawe van die tydskrif Stilet, wat deur die Afrikaanse Letterkundevereniging (ALV) uitgegee word.
“ ’n Mens wil nie te veel sê nie, maar is ek ooit die moeite werd om so iets te ontvang? Ek is nog jonk, ek leef nog. Ek is nou al lank hier en nou al deel van die Suid-Afrikaanse lewe, maar daar is baie Suid-Afrikaanse skrywers wat dit ook verdien. So ek voel geëerd om raakgesien te word,” sê Schaffer, wat in 1986 van Nederland na Suid-Afrika gekom het.
Schaffer is in 2021 met die Nederlandse P.C. Hooft-prys bekroon vir sy oeuvre en in dieselfde jaar met die Herman de Coninck-prys van Vlaandere vir sy bundel Wie was ik: Strafregels, en hy is ook in dieselfde jaar op die Tuin van Digters-fees in Wellington vereer. Hy het in 2000 gedebuteer met die bundel Zijn opkomst in de voorstad, en sy jongste bundel, Wie was ik: Strafregels, het in 2020 verskyn.
