Koos Kombuis het nuwe roman op Twitter geskryf

Noudat Twitter gereeld in die nuus is “met alles wat Elon Musk aanvang”, reken die skrywer en sanger Koos Kombuis dis ’n goeie tyd om ’n boek uit te gee wat oorspronklik op Twitter geskryf is.

Hy weet nie wat hom meer as tien jaar gelede besiel het om die een twiet (140 karakters) ná die ander die eter in te stuur nie, maar Twitter Dawn – a micro-novel word eersdaags deur Naledi uitgegee.

Hy het dit weer as Joe Kitchen, sy Engelse skryfnaam, geskryf.