Wenner van 1ste KFO-kompetisie vir komponiste aangekondig

Conrad Asman, wenner van die eerste komponistekompetisie aangebied deur die Kaapstad Filharmoniese Orkes (KFO), het al verskeie internasionale kompetisies met sy komposisies gewen.

Benewens ’n geldprys is die groot wins van die kompetisie ’n jaar as inwonende komponis vir die KFO. Dit is die eerste keer dat so ’n voorreg by ’n prys ingesluit is wat hy ontvang.

Vyf finaliste se werke is op 4 Maart in die Hugo Lambrechts-ouditorium in Parow deur die KFO uitgevoer, waarna die wenners aangewys is.