Dit is nou die tyd van die jaar wat graanprodusente normaalweg baie deeglik na hul begrotings kyk en die pryse van hul verskeie insette begin vergelyk.
In Graan SA se streeksvergaderings aan die einde van Januarie is daar baie klem gelê op die winsgewendheid van wintergraanproduksie. Daar is gewys hoe die pryse van sekere insette van dorp tot dorp oor die provinsie heen verskil.
Dié boodskap is egter baie duidelik oorgedra: Kry soveel as moontlik pryse by verskillende agente, maar moenie noodwendig die goedkoopste koop nie aangesien naverkopediens ook baie belangrik is.
