Suid-Afrika se nasionale minimum loon styg op 1 Maart tot R25,42 per uur. Dis R2,24 meer as die R23,18 wat tans geld en verteenwoordig ’n persentasiestyging van byna 9,7%.
Agri Wes-Kaap het in reaksie op die verhoging gesê hy verstaan die behoefte vir leefbare lone, maar meen die ekonomiese impak van die nuwe minimum loon op die landbousektor kan nie misgekyk word nie.
“Ons is uiters geskok en teleurgesteld oor die 9,7%-styging en dat Agri Wes-Kaap se aanbeveling aan die Minimumloonkommissie nie in ag geneem is nie,” het Jannie Strydom, uitvoerende hoof van Agri Wes-Kaap, Dinsdag gesê.
