Kaapstad se eerste tone-in-die-renwater-steek bied al die regte geluide om vir ’n grootse ren-naweek Saterdag in die Moederstad te sorg.
Die Kaap speel die naweek gasheer vir die vyfde ronde van die internasionale Formule E- reeks met ’n straatbaan wat in ’n kits in Groenpunt, al om die ikoniese Kaapstad-stadion, opgerig is.
Benewens die natuurlike skoonheid van die stad met Tafelbaai op die voorgrond en Tafelberg wat oor toeskouers se skouers gaan loer, was daar ook ’n lekker fris bemarkingspoging agter die naweek – en week – se motorsportgebeure.
