Betoging voor Russiese ambassade

Klere van kinders en speelgoed op ’n wit “bebloede” laken is die afgelope week voor die Russiese ambassade in Pretoria neergesit, ter nagedagtenis aan die kinders wat dood is in Oekraïne nadat Rusland ’n jaar gelede die land ingeval het.

’n Jaar nadat die Oekraïense Vereniging in Suid-Afrika hulle eerste betoging by die Russiese ambassade gehou het, het hulle vandeesweek teruggekeer met dieselfde boodskap om ’n einde aan die konflik te bring.

Rusland het Oekraïne op 24 Februarie 2022 ingeval.