Helderste sterre in hemelruim sorg vir skouspel

Dit sal Woensdagaand lyk of Venus en Jupiter, die helderste planete in ons hemelruim, skaars ’n haarbreedte van mekaar af weg is.

Pieter Kotzé, buitengewone professor van die Noordwes-Universiteit se ruimtesentrum en departement van fisika by die Universiteit Stellenbosch, sê dis beslis iets besonders om te sien.

Kotzé verduidelik dat Venus se wentelbaan nou die naaste aan die aarde is en Jupiter die verste. Dié verskynsel word dan ’n konjunksie genoem.