Kind (5) wat in kop geskiet is, toon beterskap

Met ’n groot glimlag op sy gesig, ’n sterretjie op sy voorkop geplak en ’n duim in die lug het die vyfjarige seun van Manenberg wat op 4 Februarie in die kruisvuur van bendegeweld in die kop gewond is, in ’n foto vanuit die hospitaal gewys dit gaan beter met hom.

Dié kind en ’n 17-jarige seun is daardie Saterdagoggend gewond. Die 17-jarige het aan sy wonde beswyk.

’n Motor met onbekende verdagtes het in Seinestraat stilgehou, verskeie skote in Thamesrylaan afgevuur en toe weggejaag.