Ideale weersomstandighede wag Sondag op fietsryers wat vanjaar se Kaapstad-fietstoer aanpak.
Dit sal sonnig wees in Kaapstad en die sterk wind waarvoor die Moederstad bekend is, sal volgens huidige aanduidings nie daar wees om ryers van stryk te bring nie.
Die Suid-Afrikaanse Nasionale Weerdiens (SANW) voorspel ’n minimum van 16 °C en maksimum van 24 °C vir die Kaapstad-gebied. ’n Suidooster van 10 km/h sal waai wanneer die deelnemers die 109 km of 42 km aandurf nadat hulle in die stadskern weggetrek het.
