Pikke, grawe ingespan om hondjies uit pyp te red

’n Soektog van meer as agt uur het Woensdag in die vroeë oggendure sukses opgelewer toe twee klein hondjies van gemengde ras veilig uit ’n dreinpyp gered is.

Die Dierebeskermingsvereniging (DBV) in Kariega (Uitenhage) se hulp is Dinsdagmiddag ingeroep na ’n huis in Kamesh, waar ’n honde-eienaar haar twee babahondjies se getjank van onder die grond gehoor het.

Die hondjies het vermoedelik by ’n oop dreingat op die erf ingeval en het in ’n pyp onder die grond vasgesit.