Vlieënier in hospitaal ná noodlanding naby Pearly Beach

’n Vlieënier is Woensdag hospitaal toe geneem vir waarneming nadat sy ligte vliegtuig in bosse langs die R43 tussen Gansbaai en Pearly Beach ’n noodlanding moes uitvoer.

Die Overstrand-munisipaliteit het Woensdag by navraag gesê die pad is aanvanklik gesluit, maar later is ’n stop-en- rystelsel ingestel.

Na verneem word behoort die vliegtuig aan ’n vliegopleidingskool in Oudtshoorn. Die skool kon nie Woensdag vir kommentaar bereik word nie.