Die beplande minibustaxi-staking wat Woensdag in Kaapstad sou plaasvind, is afgelas. Redes wat vir die beoogde staking aangevoer is, is die verhoging van boetes en die skut van minibustaxi’s.
Daar is “goeie vordering gemaak” op ’n vergadering tussen die taxivereniging Santaco en Alan Winde, Wes-Kaapse premier, en Geordin-Hill Lewis, burgemeester van Kaapstad, sê Elryno Saaiers, sekretaris-generaal van Santaco, Dinsdagmiddag in ’n verklaring.
“Santaco se uitvoerende komitee het dus besluit om die staking wat vir Woensdag oor die provinsie heen beplan is, af te stel,” sê Saaiers.
