Johannesburg is nou wel Suid-Afrika se grootste stad en die ekonomiese hartklop van Suider-Afrika, maar wee die dag as ’n groot ramp dit tref – die Goudstad het net een werkende brandweerwa.
Dit staan in skrille kontras met Kaapstad, wat die afgelope twee jaar 133 splinternuwe brandbestrydingsvoertuie aangekoop het om ouer voertuie te vervang én sy bestaande vloot te vergroot.
Die afgelope week het ’n huis in Sophiatown in Johannesburg glo omtrent ’n uur gebrand voordat die brandweer uiteindelik daar opgedaag het.
