938 lyke onuitgeken in Gauteng

Die Gautengse departement van gesondheid het sy kommer uitgespreek oor die groot aantal lyke wat nog deur families by lykshuise in die provinsie uitgeken moet word.

Altesaam 938 lê tans in 11 van die provinsie se lykshuise, het die departement Maandag in ’n verklaring gesê. Pretoria loop voor met 263 in een van sy lykshuise.

Nomantu Nkomo-Ralehoko, die LUR vir gesondheid in die provinsie, het ’n beroep op families van vermiste mense gedoen om lykshuise te besoek.