Die oud-Springbokrugbyspeler Danie Gerber (62) het so gepyn toe hy geveg het teen Covid-19, dat hy gevoel het hy gaan dood.
“Ek kon nie eens met my vinger aan my lyf raak nie. Dit was ontsettend seer,” vertel Gerber oor die simptome wat hy gehad het slegs enkele dae nadat hy saam met spanlede van die 1981-Springbokspan op 20 en 21 Maart ’n reünie-naweek en Legends-gholftoernooi in Jan Kempdorp in die Noord-Kaap bygewoon, en daar die virus opgedoen het.
“Elkeen het sy eie simptome, elkeen se liggaam is anders. Aanvanklik het ons gehoor die simptome is keelseer, ’n droë hoes, koors en kopseer. Maar dit is nie noodwendig al dié goed saam nie,” sê Gerber.
