Die Gautengse departement van gesondheid sê gerugte dat die provinsie se kraanwater met cholera-bakterieë besmet is, word kwaadwillig op sosiale media versprei.
Die boodskap word as amptelike kommunikasie van die departement versprei, sê Motalatale Modiba, woordvoerder.
“Die oorsprong is nie aan ons bekend nie, maar ons wil inwoners verseker dat die inligting glad nie wetenskaplik gestaaf kan word nie. Geen regeringsdepartement het dié inligting in die vorm van amptelike kommunikasie uitgereik nie.”
