Die regering staan gereed om ’n algemene inkomste-toelae aan te kondig vir miljoene informele werkers wat weens die Covid-19-rampregulasies deur hongersnood in die gesig gestaar word.
’n Taakspan van ekonomiese raadgewers, nieregeringsorganisasies en amptenare werk al twee weke aan berekeninge en meganismes om die kwesbares te help.
Die plan is Saterdag op ’n vergadering van die taakspan gefinaliseer en word vandag voorgelê aan pres. Cyril Ramaphosa se nasionale bevelsraad vir die Covid-19 rampkrisis.
