Sakeredding is nie net ’n kwessie van skuldinvordering nie, dit gaan oor die oorlewing van ’n maatskappy.
Só het adv. Piet Louw SC Maandag in die appèlhof in Bloemfontein betoog oor wie almal in ’n vergadering oor ’n sakereddingsplan mag stem.
Hy betoog in hofstukke dat die direkteure Ronica Ragavan, Ravindra Nath en Ashu Chawla van Tegeta Exploration & Resources, ’n Gupta-entiteit wat in sakeredding is, ook in ’n vergadering van Optimum Coal Terminal, ’n ander Gupta-entiteit wat ook in sakeredding is, moet kan stem.
