FOTO'S: So lyk 5 in hof ná Hartswater-moorde

Die vyf verdagtes wat aangekeer is ná die moorde op die Brand-egpaar, Dan (83) en Breggie (73), en hul dogter Elzabie (54) het Donderdagoggend in die hof in Hartswater in die Noord-Kaap verskyn.

Mense van die omgewing het voor die begin van die hofsaak protes teen plaasmoorde aangeteken deur in konvooi deur die dorp te ry.

Daarna het die inwoners en boere saam voor die hof betoog en geëis dat die beskuldigdes nie op borgtog vrygelaat word nie.