By tye het hy sy gesig afgevee, sy skouers laat sak en voor hom uitgestaar op die vierde dag dat hy deur die staat kruisondervra is in die verhoor oor die sluipmoord op adv. Pete Mihalik.
Nkosinathi Khumalo het in ’n stadium die regter gevra of hy eerder kan sit as om die hele dag op sy voete te staan terwyl adv. Greg Wolmarans, die aanklaer, sy weergawe van die gebeure van 30 Oktober 2018 teen die staat se getuienis toets.
Dit het by tye gelyk asof die ondervraging sy tol op Khumalo geëis het weens die herhaling van vrae oor fynere aspekte van die saak.
