Dokter (84) in Durban by bedrogsaak met doodsertifikate betrek

Die Valke in KwaZulu-Natal het ’n dokter van 84 jaar oud verbind met ’n klag van bedrog met ’n lewenspolis wat aanstaande maand deur die hof aangehoor gaan word.

Hy sal aangekla word saam met die polishouer, die eiser en ’n begrafnisondernemer wat verlede jaar in hegtenis geneem is. Hulle sal op 17 Maart in die gespesialiseerde handelshof in Durban verskyn.

Na bewering is die dokter in Mei 2020 deur die eienaar van die begrafnisonderneming ontbied om iemand dood te verklaar.