Die impak van onbeheerbare migrasie op munisipaliteite se beperkte hulpbronne is in die kollig op die Suid-Afrikaanse vereniging van plaaslike regerings (Salga) se nasionale beraad oor migrasie.
Bheke Stofile, president van Salga, meen weens die veranderende bevolkingsdinamika en geografiese grense moet meer hulpbronne vir munisipaliteite oorweeg word om migrasie doeltreffend te bestuur, want die huidige mense- en finansiële hulpbronne is nie voldoende vir die uitdagings nie.
“Daar is ’n dringende behoefte aan doeltreffender samewerkende regering en samewerking tussen die regering en gemeenskappe om die grense van die land te bestuur.”
