Nuwe risiko’s het tot veranderings in die omgewing gelei wat grondbestuurders dwing om die wyse te hersien waarop hulle grond en veld bestuur.
Volgens Cobus Meiring van die Tuinroete-omgewingsforum (Garden Route Environmental Forum – GREF) se sekretariaat het ’n snelveranderende klimaat die wyse beïnvloed waarop grondeienaars inheemse én indringerplantegroei op hul grond bestuur.
Die sosio-ekonomiese uitwerking van die Covid-19-virussiekte het ’n nuwe dringendheid teweeggebring om natuurlike hulpbronne in Afrika beter te bestuur, volgens Meiring, maar op lang termyn sal klimaatsverandering ’n meer ernstige uitwerking hê as die Covid-19-virussiekte.
