Die bestuur van die Universiteit van die Witwatersrand (Wits) sê hy sal ’n bemiddelingsproses met sy studenteraad begin te midde van die voortslepende studentebetogings.
Volgens die universiteit spruit die ooreenkoms uit verlede week se gesprekke met die studenteraad (SR).
“Die kantoor van die dekaan van studentesake sal met die SR en die bestuur saamwerk om ’n gerieflike tyd en toepaslike bepalings vir so ’n proses te reël en ’n professionele bemiddelaar in die komende dae te betrek,” het die universiteit Dinsdag gesê.
