ANC se beursie staan stewig ná skenkings van R32 m.

Uit die bietjie meer as R40 miljoen se skenkings wat politieke partye aan die Verkiesingskommissie (OVK) verklaar het, staan die ANC kop en skouers uit bo ander partye wat skenkings ontvang het.

Dié party se beursie staan stewig met skenkings van R32 miljoen. ActionSA is tweede met R4,68 miljoen met die DA in die derde plek met R2,9 miljoen.

Die OVK het Dinsdag skenkings vir die derde kwartaal van die 2022’23-boekjaar bekend gemaak. Nog twee partye het skenkings verklaar.