OB-kantoor ‘het nie meer geld vir Mkhwebane se regslui’

Die kantoor van die Openbare Beskermer (OB) het net begroot om tot einde Maart adv. Busisiwe Mkhwebane, geskorste OB, se koste te betaal vir haar regsverteenwoordiging voor die spesiale parlementêre art. 194-komitee wat haar geskiktheid vir haar amp ondersoek.

Daarna kan die OB-kantoor nie meer daarvoor betaal nie.

’n Brief van die OB-kantoor aan Mkhwebane oor die bekostigbaarheid van haar regskoste is Dinsdag by die parlementêre komitee ingedien.