Winkeltrollies word leër soos druk op verbruikers toeneem

Vir die vierde uit die afgelope vyf maande was Suid-Afrikaners se winkeltrollies leër as ’n jaar gelede.

Gemeet in konstante 2019-pryse – wat die uitwerking van prysstygings verminder en dus die volume verkope weergee – het verkope in winkels in Januarie met 0,8% gedaal teenoor Januarie 2022.

Volgens Statistieke Suid-Afrika (SSA) was die enigste maand waarin die volume verkope gegroei het November, toe verkope met ’n skrale 0,8% gestyg het. November kry ’n hupstoot uit Swart Vrydag-winskopies.