Matige daling in dieselprys in April kan goeie nuus vir álmal bring

As brandstofpryse vandag vasgestel kon word, sou petrol met net sowat 13c per liter duurder geword het en diesel sou met tot 39c goedkoper geword het.

Daar is ook goeie nuus vir mense wat paraffien gebruik, met die vooruitsig dat dié brandstof 89c per liter goedkoper kan word.

Dié syfers is ’n enorme verbetering op die syfers van net ’n week gelede, toe dit nog gelyk het of petrol met 40c per liter duurder sou word en diesel met net 5c per liter goedkoper sou word.