Solidariteit se lede by Eskom maan: Fase 8 is baie naby

Solidariteit se lede by Eskom sê vir die eerste keer tot dusver dat fase 8-beurtkrag ’n wesenlike moontlikheid is.

Die kragnetwerk is nou onder ongelooflike druk en indien daar nie vandag ernstige ingrypings is nie, kan fase 8-beurtkrag werklik toegepas word, het dr. Dirk Hermann, bestuurshoof van Solidariteit, Dinsdag in ’n verklaring gewaarsku.

Die moontlikheid van ’n algehele ineenstorting van die kragnetwerk is egter “weglaatbaar klein”.