Nadat hy en twee ander atlete Sondagoggend in ’n haastige 2 uur en 12 minute verby die marathonkerf (42,2 km) is, het Tete Dijana (Nedbank) se Comrades-vasbyt hom gehelp om voort te gaan om ’n nuwe wêreldrekord oor 50 km van 2:39:03 in Gqeberha op te stel.
Die Comrades-kampioen het ná sy spogvertoning in die Runified Breaking Barriers-wedloop gesê veral die laaste 5 km was baie moeilik.
Sy spanmaat Onalenna Khonkhobe was die naaswenner in 2:39:41, gevolg deur die Zimbabwiër Tonny Skink (2:40:04).
