Oudpresident van SA krieket ‘Papa Joe’ oorlede

Joe Pamensky, voormalige president van die eertydse Suid-Afrikaanse Krieketunie, is Woensdag in die ouderdom van 92 oorlede, het die Lions Krieket in ’n verklaring bekend gemaak.

“Papa Joe”, soos hy ook bekend gestaan het, was ’n krieketadminstrateur soos min.

Hy is in 1930 in die destydse Port Elizabeth (nou Gqeberha) gebore en het op skool vir Grey High School en later Wits en die Pirates-krieketklub gespeel. Dis by Wits en Pirates waar hy by administrasie betrokke geraak het.