Ferrari se Formule Een-span het Inaki Rueda, sy beleërde hoof van strategie, uit die spervuur gehaal, met Ravin Jain wat dié veeleisende rol dié seisoen sal vervul.
’n Woordvoerder vir die span sê Jain, wat ’n fisikagraad by Oxford verwerf en in 2016 by die span aangesluit het, sal van volgende week af, wanneer die seisoen in Bahrein begin, vir die span se strategie tydens wedrenne verantwoordelik wees.
Rueda bly wel aan by die span, maar in ’n nuwe hoedanigheid by Ferrari se fabriek in die Italiaanse stad Maranello.
