“Die joberg2C gaan nat en modderig wees, maar ons gaan oukei wees. Dit gaan onvergeetlik wees!” Dis die boodskap van Craig Wapnick, organiseerder van vanjaar se joberg2C-bergfietsmarathon, aan al die deelnemers.
Altesaam 850 bergfietsryers het Vrydag om 08:00 in Heidelberg (Gauteng) bymekaargekom vir die amptelike begin van vanjaar se joberg2C-bergfietsmarathon.
Dié nege dag lange marathon, wat van Heidelberg tot Scottburgh in KwaZulu-Natal strek, gaan vanjaar vir ’n paar redes een vir die geskiedenisboeke wees.
