As daar nou een voorbeeld is dat die Leeus se ligte oor die afgelope seisoen of twee verdof het, is dit dat die Springbok-heelagter, Warrick Gelant, besluit het om die Bulle vir die Stormers te verruil, eerder as om net oorkant die Jukskeirivier by die span van Nieu-Doornfontein te gaan speel.
En dit boonop nog nadat die Leeus hom glo meer geld as die Stormers aangebied het.
Nooit gesien nie. So min as drie, vier seisoene gelede sou so iets bykans ongehoord gewees het.
