Ná twee rondes in vanjaar se Varsityskild-reeks, is daar nog drie spanne wat onoorwonne is.
Of die Madibaz, Universiteit van Wes-Kaapland (UWK) en die Kaapse Skiereiland-Universiteit vir Tegnologie ná Donderdagaand se derde ronde steeds onoorwonne gaan wees, is moeilik om te voorspel. Al drie dié spanne het moeilike wedstryde wat wag.
UWK, een van die vroeë gunstelinge, moet versigtig wees om nie pad byster te raak teen die Tshwane-Universiteit vir Tegnologie (TUT) in Pretoria nie.
