Terwyl dinge by die Stormers klopdisselboom verloop, kan daar in die komende weke weg van die speelveld ’n paar vonke by die Westelike Provinsie Rugbyunie (WPRU) spat.
Ronald Bantom, wat ’n groot gevolg onder die unie se klubs het, het aan Netwerk24 gesê dat die “handskoene af is” in die geveg teen die Suid-Afrikaanse Rugbyunie (Saru) se administrasie van die WP.
’n Plakkaat-protes gaan buite die DHL-stadion voor die afskop van die Stormers se Verenigde Rugbykampioenskap-wedstryd op 4 Maart teen die Haaie gehou word.
