Griekwas het ’n versoek om Rosko Specman aan die beleërde Blitsbokke te leen van die hand gewys.
Pieter Bergh, afrigter van die Poubloues, het by navraag gesê hulle is deur die Suid-Afrikaanse Rugbyunie (Saru) genader met ’n versoek om benewens Specman, ook vir Sako Makata en Lubabalo Dobela aan die nasionale sewesspan te leen.
Saru was op Specman-hulle se spoor omdat die Blitsbokke ’n ongekende beseringskrisis ervaar. Dit is veral in die besemposisie (sweeper) en op spelskepper waar die nasionale span erg uitgedun is. Staatmakers soos Selvyn Davids, Justin Geduld, Dewald Human en Ronald Brown is almal op die krukkelys.
