Alex de Minaur het sover die grootste deel van sy loopbaan as beroepspeler in die skaduwee van sy landgenoot Nick Kyrgios deurgebring, maar begin nou uiteindelik die kollig in sy vaderland, Australië, op hom vestig terwyl Kyrgios op die krukkelys is met ’n besering.
Die 24-jarige De Minaur het Sondag die grootste titel van sy loopbaan verower toe hy die Amerikaner Tommy Paul in die eindstryd van die Acapulco-Ope in Mexiko getroef het.
Daarmee het hy na die 18de plek op die wêreldranglys opgeskuif en Kyrgios nou onttroon as Australië se nommer een.
