Novak Djokovic sê hy’s weer sonder pyn en slaggereed om sy seisoen vandeesweek in Dubai te hervat.
Dié Serwiese superster was nog nie weer in aksie sedert hy in Januarie die Australiese Ope in Melbourne gewen het nie. Wat sy tiende titel daar nog soveel merkwaardiger gemaak het, is dat hy met ’n 3 cm lange skeur in sy linkerdyspier gespeel het onderweg na sy 22ste Grand Slam-titel.
Die 35-jarige Djokovic sê sy deelname aan die Dubai-kampioenskap was tot ’n paar dae terug nog in die weegskaal, maar dat hy al die nodige fiksheidstoetse geslaag het.
