Dit help nie dat geregtigheid geskied

’n Mens raak moedeloos en daarna verslae by die lees van onlangse berigte oor die Wes-Kaapse polisie wat glo weier om nie-Engelse dossiere te aanvaar.

Van die redes daarvoor is glo onder meer dat ’n erg gediskrediteerde Kaapse regter riglyne uitgevaardig het dat Engels die enigste voertaal in die howe sal wees en dat alle saakverslae en hofdokumente dus net in Engels aanvaar sal word.

My eie belewenis van hierdie besluit was dat dit geensins volhoubaar was nie.