Hoe lekker sou dit nie vir pres. Cyril Ramaphosa gewees het nie om, as die nuwe voorsitter van die Afrika-Unie (AU) se raad vir vrede en veiligheid, almal in Ethiopië te kon vertel hoe sy regering Suid-Afrika ’n veiliger plek gemaak het.
Pleks daarvan lewer hy ’n niksseggende pleidooi dat meer gedoen word om veiligheid en vrede op die vasteland te bewerkstellig. Meer soos in wat?
Ramaphosa se regering het Suid-Afrika die gevaarlikste land in Afrika gemaak. Suid-Afrika se misdaadindeks (75,4%) is naas Venezuela, Papoea-Nieu-Guinee en Afganistan die swakste ter wêreld. In die laaste kwartaal van verlede jaar is 7 555 mense vermoor, wat sowat 82 mense per dag verteenwoordig. Dit sluit die moorde op meer as 1 000 vroue en 300 kinders in.
