Ek was verstom oor die bewerings van Theo Stehle (21.02) oor die oorlog in Oekraïne, naamlik dat hulle en die Weste die skurke in die storie is, en Rusland die engeltjies.
Ek en my vrou het Rusland sowat tien jaar gelede besoek. Dit was baie vreedsaam sonder enige sigbare Russiese polisie of soldate en slegs enkele mans met uniforms in die Kremlin. Maar nou, tien jaar later, het toerisme met 96% gedaal en vlugte is gestaak.
Dit blyk dat vryheid van spraak nie meer daar bestaan nie. Daar is protesoptogte teen die aanval op Oekraïne, maar betogers word vinnig met geweld deur die polisie in vangwaens geboender om publisiteit te vermy.
